בארענטס ים

פֿון װיקיפּעדיע

דער באַרענטס ים איז א טייל פונעם ארקטישן אקעאן וואס ליגט צפון פון נארוועגיע און רוסלאנד. ־־דער אינזל נאוואיא זעמליא שיידט אפ קארא ים פון בארענטס ים. אין דער מיטל עלטער האט מען גערופן דעם ים דער מורמאן ים, אבער היינט רופט מען דעם ים נאכן האלענדישן נאוויגאטאר ווילעם בארענטס.

געאגראפיע[רעדאַקטירן | רעדאַקטירן קוואַלטעקסט]

ברעגן פונעם בארענטס (מורמאן) ים. פון "Tabula Russiae", Joan Blaeu's, אמסטערדאם, 1614.

דער דרום טייל פונעם בארענטס ים, כולל די פארטן פון מורמאנסק (רוסלאנד) און ווארדא, (נארוועגיע) בלייבן אייז־פֿריי א גאנץ יאר א דאנק דעם צפון־אטלאנטיק שטראם. אין סעפטעמבער איז דער גארער בארענטס ים מער ווייניגער גאנץ אייז־פֿריי. ביז דער ווינטער-מלחמה (1939-40) האט פֿינלאנד׳ס טעריטאריע אויך דערגרייכט דעם בארענטס ים. זיין האוון אין פעטסאמא איז געווען פֿינלאנד׳ס איינציקסטער אייז־פֿריי ווינטער האוון.