תענית אסתר

תענית אסתר איז א יידישער פאסט-טאג. מען פאַסט אין דער דאטע י"ג אדר וואס פאַלט אויס אַ טאָג פאַר פורים (און ביי די פאַרפאַנצענע שטעט פאלט דאס אויס צוויי טעג פאַר פורים).

דער תענית איז די לייכסטע תענית, און מען איז שנעל מיקל אין איר צו אויספאַסטן.

אפשטאַם

עס איז פאַראַן א מחלוקת צווישן רש"י מיט רבינו תם וואָס איז די סיבה צו פאַסטן אים תענית אסתר.

לויט רש"י און לויט די אויסגעהאַלטענע דעה, איז דאָס לזכר דער טאָג וואָס אסתר המלכה האט באצוווּנגען דעם פאָלק ישראל צו פאַסטן אויף איר, ווייל זי האָט געדאַרפט אַריינגיין בכוח צום קעניג בעטן מבטל זיין די גזירה פון פאַרלענדן כלל ישראל. אַזוי ווי עס שטייט אין מגילת אסתר (פרק ד' פסוק ט"ז): לֵךְ כְּנוֹס אֶת-כָּל-הַיְּהוּדִים הַנִּמְצְאִים בְּשׁוּשָׁן, וְצוּמוּ עָלַי וְאַל-תֹּאכְלוּ וְאַל-תִּשְׁתּוּ שְׁלֹשֶׁת יָמִים לַיְלָה וָיוֹם--גַּם-אֲנִי וְנַעֲרֹתַי, אָצוּם כֵּן; וּבְכֵן אָבוֹא אֶל-הַמֶּלֶךְ, אֲשֶׁר לֹא-כַדָּת, וְכַאֲשֶׁר אָבַדְתִּי, אָבָדְתִּי. - און דערפאַר הייסט דער טאג "תענית אסתר".

מיט יארן צוריק האט מען געפאַסט טאַקע 3 טעג אין די טעג בה"ב נאָך פורים, אַזוי ווי אסתר האָט באַפוילן, אבער היינט האבן די חכמים מיקל געווען מען זאל נאר איין טאָג פאסטן.