י' טבת

• עשרה בטבת, א יידישער פאסט-טאג. דעמאלטס האט די מיליטער פון נבוכדנצר אנגעהויבן די באלאגערונג אויפן הייליגן שטאט ירושלים.
• עשרה בטבת איז אוועקגעשטעלט געווארן אלס יארצייט טאג פאר אלע קדושים פון חורבן אייראפע וואס מען ווייס נישט אין וועלכן טאג זיי זענען אוועק.

די טעג ווען י' טבת קען געפאלן זענען:

קביעות פון יאר	טאג	סדרה
בחג בחה זשג זשה	זונטיג	ויחי
בשה בשז גכה גכז	דינסטיג	ויחי
החא	מיטוואך	ויחי
הכז	דאנערשטיג	ויחי
השא השג	פרייטיג	ויחי
זחא זחג	פרייטיג	ויגש

געבוירן

• ה'תקצ"ז - ר' יוסף ריוולין (ר' יאשע דער שטעטלעך מאכער), אנטוויקלער פון די געגנטן פון ירושלים
• ה'תרנ"ד (אדער ה'תרנ"ה) - הרב אלעזר מנחם מן שך, ראש ישיבה פון פאנאוועזש

יארצייטן

• ה'שע"א - רבי יהודה לייב איילנבורג, מחבר פון "מנחת יהודה"
• דער לעצטער נביא, מלאכי
• ה'תר"ה - רבי נתן מברסלב, הויפט תלמיד פון רבי נחמן מברסלב, (געב' ה'תק"ם)
• ה'תש"ח - רבי שבתי יגל, ראש ישיבה פון דער סלאנימער ישיבה
• ה'תש"ן - רבי אברהם אבא לייפער, פיטסבורגער רבי אין אשדוד, מחבר פון איבא דאברהם
• ה'תשע"ו – רבי משה שפירא, חרדישער דענקער, ראש ישיבת פתחי עולם