מזרח-אייראפע

מזרח אייראפע איז א טערמין צו באטיטלען דעם געא-פאליטישן ראיאן וואס באשטייט פון דעם מערסטן מזרח טייל פונעם אייראפעישען קאנטינענט. דורכאויס היסטאריע און אויף א קלענערן פארנעם היינט צוטאגס, זענען טיילן פון מזרח אייראפע קענטליך אנדערשט כלפי מערב אייראפע און אנדערע ראיאנען צוליב קולטורעלע, רעליגיעזע, עקענאמישע, און היסטארישע סיבות.

היינט צוטאגס מיטן צונויפאל פונעם סאוועטן פארבאנד ווערט דער טערמין ווייניגער באנוצט וויבאלד טייל לענדער ווי למשל אונגארן וואס באלאנגט לכתחילה אינעם מזרח אייראפעישן קאטאגאריע, איז דאך גאר שטארק מאדערענעזירט על כל פנים פונקט ווי די לענדער אין מערב אייראפע.