Active Directory

פֿון װיקיפּעדיע
שפּרינג צו: נאַוויגאַציע, זוכן
אַ טיפּישער Active Directory פֿענסטער נוצנדיק די גראַפֿישע MMC

Active Directory י(AD) איז אַ טעכנאָלאָגיע געשאַפֿן דורך מײַקראָסאָפֿט װעלכע באַזאָרגט פֿאַרשײדנע נעצװערק סערװיזן. עס איז באַפרײַט געװאָרן צום ערשטן אין Windows 2000 Server און עס איז זײער אַנטװיקלט געװאָרן אין Windows Server 2003 און אין Windows Server 2008.

Active Directory דערלױבט אַדמיניסטראַטאָרן צו באַשטימען פּאָליסן און צעװיקלען װײכװאַרג פֿאַר אַן אָרגאַניזאַציע. Active Directory נעצװערק קען װאַריִיִרן סײַ אַ קלײן אינסטאַלאַציע מיט עטלעכע הונדערטער אָביעקטן, און סײַ אַ ריזיקע אינסטאַלאַציע מיט מיליאָנען אָביעקטן.

אַ Active Directory סטרוקטור איז אַ היעראַרכישע גערעם פֿון אַן אָביעקט װאָס באַדינט װי אַ Directory Service אין דרײַ הױפּט קאַטעגאָריעס: רעסורסן (װי צום בײַשפּיל דרוקערס), סערװיזן (צום בײַשפּיל בליצפּאָסטן) און באַנוצער חשבונות און גרופּעס. די AD באַזאָרגט אינפֿאָרמאַציע פֿונעם אָביעקט, אָרגאַניזירט דעם אָביעקט, קאָנטראָלירט דעם צוטריט און שטעלט אײַן די זיכערקײַט פֿונעם אָבײעקט.

יעדער אָביעקט רעפּרעזענטירט אַן אײנציקע זאַך מיט זײנע אַטריבוטן (אײגנקײַטן), למשל אַ באַנוצער, אַ קאָמפּיוטער צי אַ דרוקער. אַזעלכע אָביעקטן האַלטן אין זיך אַנדערע אָביעקטן.

Active Directory אַרבעט צוזאַמען מיט דער DNS־דינער, די AD דערהײַנטיקט נאָכאַנאַנד DNS־רעקאָרדן צו דער DNS דאַטן־באַזע.