שמשון אסטראפאליער

פֿון װיקיפּעדיע
(אַריבערגעפֿירט פון שמשון אסטראפאלער)
שמשון אסטראפאליער
פאך רב רעדאקטירן דעם פֿאקט ביי וויקידאטן
טויט 15 יולי 1648
פאלאנע, אוקראינע רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

רבי שמשון פון אסטראפאליע (ה'ש"ס ג' אב ה'ת"ח) איז געווען א מקובל אין די ה'ש' - ה'ת' יארן. ער איז אומגעקומען על קידוש השם ביי די גזירות ת"ח ות"ט.

ביאגראפיע[רעדאַקטירן | רעדאַקטירן קוואַלטעקסט]

ר' שמשון איז געבוירן געווארן אין יאר ה'ש"ס אין דער שטאט קארעץ וואס איז אין וואהלין, דעמאלסט אין פוילן, צו זיין פאטער ר' פסח, אן איידעם פון ר' שמשון, זון פון ר' בצלאל, א ברודער פונעם מהר"ל פון פראג.

ער איז געווען א גרויסער מחדש אין קבלה דורך גימטריאות. באקאנט פון אים זענען זיין מאמר וועגן די מ"ב מסעות און איבערהויפט דער בריוו וועגן די עשר מכות וועלכער איז א וואונדערליכער פירוש אויף א מאמר פונעם ארי הק' און איז אנגענומען אלס סגולה צו לערנען אום ערב פסח אדער פסח אויפדערנאכט. אין פילע הגדות איז עס אריינגעדרוקט ביים אנהויב.

ער האט געהאט א מגיד מיט וועם ער פלעגט לערנען סתרי תורה יעדן טאג. זיין תלמיד ר' נתן האנאווער האט געשריבן:

והיה בתוכם איש אחד חכם ונבון ומקובל האלקי ושמו מוהר"ר שמשון מ "ק אוסטרופולי. ובא מלאך המגיד אליו בכל יום ולמד עמו סתרי תורה. ועשה המקובל הנ"ל פירוש על הזוהר על פי קבלת מהאר"י ז"ל ולא זכינו שיבא להדפוס. ואמר לו המגיד לפי הגזיר' שיעשו תשובה גדולה שלא יבא כך הגזירה רעה. ודרש כמה פעמים בבית הכנסת והזהיר לעם שיעשו תשובה על הצרה שלא תבא, וכן עשו תשובה גדולה בכל הקהילות ולא הועילה כי כבר נחתם הגזירה רעה. וכאשר באו האויבים וצרים על העיר נכנס המקובל הנ"ל לבית הכנסת ושלש מאות בעלי בתים עמו, כולם חכמים גדולים וכולם מלובשים בתכריכין ובטליתו' על ראשיהם ועסקו בתפילה גדולה עד שבאו האויבים לעיר ונהרגו שם כולם בבית הכנסת על אדמת קדש הי"ד.

ער איז גע'הרג'עט געווארן ביי די שוידערליכע גזירות ת"ח ות"ט אין טאג פון ג' אב אין דער שטאט פאלאנע. מען דערציילט אז ווען די קאזאקן האבן אים גע'הרג'עט, האבן זיי אריינגעשטאכן אין זיין קערפער א שפיציגער אויסגעשארפטער האלץ, און ממש איידער ער האט אויסגעהויכט זיין נשמה האט מען אים געפרעגט אויב ער שפירט יסורים, האט ער געזאגט אז ביז יעצט האט ער גארנישט געשפירט, נאר יעצט בשעת ווען מען האט אים געפרעגט האט ער געפילט א קליינער ווייטאג.

זיינע חיבורים[רעדאַקטירן | רעדאַקטירן קוואַלטעקסט]

  • דן ידין א פירוש אויפן ספר הקרניים
  • מחנה דן (נשרף).
  • ליקוטי שושנים.
  • בן מנוח
  • מנחה שלוחה
  • נזר אלקים
  • שמש ומגן
  • שמש נוגה
  • יזרח שמש

משפחה[רעדאַקטירן | רעדאַקטירן קוואַלטעקסט]

צווישן זיינע אייניקלעך זענען: