שלמה קארליבאך

פֿון װיקיפּעדיע
שפּרינג צו: נאַוויגאַציע, זוכן
א בוך-טאוול פון זיין ספר

שלמה קארליבאך (י"ח טבת ה'תרפ"ה - ט"ז חשוון ה'תשנ"ה) איז געווען גאר א גרויסער ניגונים קאמפאזיטאר, בעיקר הארציגע נשמה ניגונים.

ער האט געלערנט אין בית מדרש גבוה ביי הגאון ר' אהרן קאטלער זצ"ל, און פריער ביי הגאון ר' שלמה היימאן זצ"ל אין תורה ודעת, נאכער געווארן א חב"ד'סקער חסיד.


אין חב"ד האט ער אנגעהויבן צו מקרב זיין פרייע אידן צו זייער רעליגיע און טראדיציע דורך פארציילן מעשיות און זינגען פאר זיי, צוזאמן מיט זיי טאנצענדיג און אריינדרינגען אין זייער נשמה.

אזוי ווי ער איז נאך געווען א בחור און זיך געמישט מיט מיידלעך בשעתן זינגען, האט אים זיין רבי און פירער, דער לובאוויטשער רבי פארבאטן אז ער טאר מער נישט זינגען פאר קיין געמישטע אוידיענצן, ער האט אבער זיך נישט געקענט צוריק האלטן זאגנדיק אז ער טוט אויף דערמיט זייער אסאך האט ער זיך צושיידט פון חב"ד און געווארן א ראביי פאר זיך פירענדיג א קהילה פון איינגעזאמלטע היפיס אין סאן פראנציסקא קאליפארניע.

ער האט אויך געהאט א ביהמ"ד אין ברוקלין.

ער פלעגט ארומפארן איבער די וועלט זינגען און מקרב זיין יודן צו יודישקייט, בפרט אין די געוועזענע קאמוניסטישע לענדער. היינט ווערן זיינע ניגונים געזינגען אין אלע אידישע פרומע חסידישע הייזער און שמחות.

געהאט צוויי טעכטער "אסתר נשמה טהורה", און "חנה נדרה נפשי" און געווען אפגעטיילט פון זיין ווייב "נעילה".

אין זיין יוגנט

ער האט מקרב געווען טויזנטער רחוקים צו אידישקייט, און ווייל אין יענער צייט איז די היפי באוועגונג געווען זייער גרויס, איז ער אריין אין זייער טיפעניש, און זיי ארויף געשטיפט צו העכער'ס, און זיי זענען געווארן נאנט מיט אים צוליב זיין שיינע שטימע און הארציגע ניגונים. ער פלעגט קענען זיך קושן און האלזן מיט היימלאזע שמוציגע שטונקעדיגע מענטשן, ווארשיינליך צוליב זיין אומגלויבליכער ליבשאפט פאר אנדערע, און צוליב זיין עקסטרעמע ליבשאפט צו גאט'ס באשעפענישען, איז זיין דרך געווען זייער קאנטראווערסיאל, און איז נישט געווארען אנגענומען אין די אלגעמיינע חסידישע געמיינדעס, כאטש ער איז געווען זייער מקורב ביים אמשינאוועררבי'ן זצוק"ל, וואס האט זיך אמאל אויס געדרוקט צו זיינע חסידים אויף אים "דער יוד וועט האבן מער עוה"ב, ווי וואס עץ מיינטס אז איך וועל האבן".

ער איז היינט באוואוסט אלס דער זינגעדיגער ראביי.

וועבלינקען[באַאַרבעטן | רעדאקטירן מקור]