קאשע

פֿון װיקיפּעדיע
שפּרינג צו: נאַוויגאַציע, זוכן
קאשע

קאַשע (רוסיש: каша) איז אן אלטער פרישטאג געקעכץ, געמאכט פון פארשידענע סארט תבואות, געקאכט מיט מילך אדער וואסער, פון רוסישן אפשטאם. עס איז היסטאריש און כאטש טויזנט יאהר אלט און איז איינע פון פריהערדיגסטע אייראפעיאישע געקעכצן. אין זיין חשיבות איז עס גלייך נאך ברויט.

אין רוסלאנד, אוקריינע און אין סלאווישער אייראפע ניצט מען דאס ווארט קאשע אלס שם כללי פאר אלע די סארט תבואה (סיריעל) געקעכטצן. אין רוסלאנד און אוקריינע איז דא א באקאנטע פאלקס-ווארט בארשט און קאשע, דאס איז אונדזער לעהבן.

ביי יודן[באַאַרבעטן | רעדאקטירן מקור]

דער נאמען איז אריין אין יודיש בלויז פאר א ספעציפישן געקעכץ וואס באשטייט פון גאנצע געבראטענע רעטשקע. דאס ווארט און מאכל איז דערנאך פארשפרייט געווארן אין די פאראייניגטע שטאטן דורך אשכנזיש-יודישע אימיגראנטן און אריין אינעם אמעריקאנעם-ענגלישן לעקסיקאן. עס איז אויך אריין מיט דעם באדייט אין מאדערנעם העברעיאיש. מ'קען קויפן אין די געשעפטן פארטיגע רעטשקע געבראהטן און צוגעגרייגט צום קאכן אויף דעם אופן, אונטערן נאמען "קאשע - kasha".

דאס געקעכץ פלעהגט מען עסן ביי יודן אינדערהיים אין אייראפע, ספעציעהל אין פוילן איז דאס געוועהן שטארק פארשפרייט צוליב וואס עס איז געוועהן פארהעלטנמעהסיג ביליג קעהגן אנדערע תבואות. דערפאר האט דאס געהייסן א מאכל פון ארימעלייט.

שבת שירה איז א מנהג אז מען שפרייט אויס קאשע פאר די פייגלעך בשכר וואס זיי האבן אויפגעגעסן דעם מן וואס דתן ואבירם האבן אויסגעשפרייט שבת אינדערפרי אין מדבר צו קענען זאגן אז שבת פאלט אויך מן. אין חב"ד פיהרט מען זיך דערפאר צו עסן שווארצע קאשע אום שבת שירה.

אויך אין רוסלאנד איז קאשע געוועהן א טאג טעהגליכער מאכל, און באזונדער האט מען שבת קודש מיטאג, געגעסן קאשע זופ ביי די סעודה אנשטאטס טשאלנט. אין סקווער איז נאך היינט אזוי דער מנהג.

קאשע פאר זיך איז א שוועהר מאכל, אבער אינעם זופ, איז דאס זייער פיין אפצושווענקען א שוועהרע סעודה, און עס זעטיגט שטארק.

סארטן[באַאַרבעטן | רעדאקטירן מקור]

א פאפולערער צוגאב דערצו איז ראזשינקעס.

ארגינעלע פארשפרייטע יודישע קאשע מאכלים זענען קאשע מיט ווערנישקעס און קנישעס געפילט מיט קאשע.

יודישע ווערטלעך[באַאַרבעטן | רעדאקטירן מקור]

אלס שטארק פארשפרייטער יודיש מאכל, איז עס אריין אינעם יודישן לעקסיקאן פאר פארשידענע אויסדרוקן.

  • וואסער פאר קאשע, זאגט מען ווען איינער איז א בלוטיגער ארימאן אז ער האט ניטאמאהל וואסער פאר אזא ביליג מאכל. אדער ווען איינער מאכט זייער ווייניג געלט זאגט מען "ער פארדינט בלויז וואסער אויף קאשע".
  • ער לאזט זיך נישט שפייען אין קאשע, ווען איינער לאזט זיך מעהר נישט טרעהטן און שטייט אויף זיינע רעכטן.

וועב לינקען[באַאַרבעטן | רעדאקטירן מקור]