פידלער אויפן דאך
דער פידלער אויפן דאך איז גאר א פאפולערער מוזיקאלישע פארשטעלונג און פילם געשפילט אויף די ענגלישע שפראך, וואס איז פעסטגעשטעלט אויפן בוך טעוויע דער מילכיקער, געשריבן געווארן דורך שלום עליכם. דער ערשטער באשטראל פון דער פארשטעלונג איז געווען 1964 אין בראדוועי.
דער העלד פון די מעשה איז חיים טאפאל וועלכער שפילט אלס טעוויע (טוביה). ער וואוינט אין אנאטיווקא, רוסלאנד מיט זיין ווייב גאלדא און פינעף טעכטער.
טעוויע שפיגלט אפ א תמימות'דיגער טראדיציאנאלער גא-ט'ס פארכטיגער יוד. דער עיקר וואס די מעשה ברענגט ארויס איז די טויש אין די לעצטע יאר-הונדערט, אז אנשטאט גיין צום שדכן (אין דעם פאל יענטע די שדכנ'טע - מאלי פיקאן) און דער טאטע זאל מאכן דער באשלוס וועמען די קינדער זאלן הייראטן, באשלוסן זיי דאס אליינס לויט זייער געפיהל און וועם זיי גלייכן.
ביי די ערשטע קינד, צייטל, וועלכע פארליבט זיך אין מאטל דער שניידער, גיבט איר עס דער טאטע נאך נאכדעם וואס זי בעהט זיך ביי איהם אז זי וויל נישט הייראטן לייזער וואלף דער קצב ווי ער האט אפגעשמועסט. אזוי אויך ביי די צווייטע טאכטער האדל וואס וויל הייראטן מיט פידשיק, א רעוואלוציאנער, גיבט ער איר אויך נאך. אפי' זי וויל פארן קיין סיביר איהם באזוכן און ער ווייסט אז מעגליך וועט ער איר מער נישט זעהן און זי וועט לכאו' נישט האבן קיין טראדיציאנאלער חתונה.
אבער ביי די דריטע און זיין געליבטסטע טאכטער, חוה'לע, וואס פארליבט זיך אין פעטריק א גוי, קען ער שוין נישט איינשטימען מיט דעם און ער האקט אפ מיט איר.
די פילם ענדיגט זיך ווי מען פארטרייבט די יודן פון אנאטיווקא, און טעוויע פארט קיין ניו יארק, אמעריקע. לייזער וואלף קיין שיקאגא און יענטע קיין א"י.
דער פילם האט אסאך ווערטער וואס אן ערליכער יוד טאר נישט ארויסזאגן פון מויל, ווייל עס גרעניצט זיך מיט חוזק און חוצפה כלפי מעלה.
דער נאמען "אַ פֿידלער אױפֿן דאַך" איז באשיינט געווארן פון מארק שאגאלס געמעל.
[באַאַרבעטן] באוואוסטע ניגונים
די ניגונים אין דעם פילם זענען זייער אויפגעכאפט און פאפולער, און עס ווערט אסאך נאכגעזינגען ביזן היינטיגן טאג.
- טראדיציע
- איף איי וואז א ריטש מען
- לחיים טו לייף
