עובדיה יוסף

פֿון װיקיפּעדיע
שפּרינג צו: נאַוויגאַציע, זוכן
הרב עובדיה יוסף

הרב עובדיה יוסף (י"ב תשרי ה'תרפ"א, באגדאד - ג' חשוון תשע"ד, ירושלים)‏[1] איז געווען א חרדישער ספרדישער תלמיד חכם און פוסק, און דער גייסטליכער פירער פון די ספרדישע געמיינדעס. פון תשל"ג ביז תשמ"ג האט ער געדינט ווי דער ספרדישער הויפט רב פון ישראל, דער "ראשון לציון", און ער איז געווען דער גייסטלעכער פירער פון דער ש"ס פארטיי.

ער האט געהאט אן אויסערגעווענלעכן גוטן זכרון, וואס זיינע ספרים ווארפט ער צאם יעדן פוסק פון יעדן קרייז מיט א פענאמעלאלע גאונות און בקיאות און בעיקר זכרון.

די סיבה פארוואס ער געדענקט אזוי גוט יעדע שיטה אויף יעדער שאלה איז אסאך צו פארדאנקן דעם דרך הלימוד פון דער ספרדישער מסורה.

ער האט געלערנט אין דער ישיבה פורת יוסף אלס בחור אונטער הרב עזרא עטייה, און זיך געדרייט צווישן די קנאים אויס אומצוטרוי וואס די ערליכע ספרדים פון יענע צייטן האבן געהאט קעגן די ציונים פארן אפווישן זייער מסורה.

ער איז געווארן דער גרעסטער בעל השפעה אין גאנצן לאנד מיט אומגעפער 11 מאנדאטן פון די ש"ס פארטיי.

ביאגראפיע[באַאַרבעטן | רעדאקטירן מקור]

ווען ער איז געווען אלט פיר יאר האט זיין משפחה זיך געצויגן וואוינען אין ירושלים.

ער האט געלערנט אין דער ישיבה פורת יוסף אלס בחור אונטער הרב עזרא עטייה.

אין תש"ד (1944), האט ער געהייראט מרגלית, די טאכטער פון ר' אברהם הלוי פֿאַטאַל, פון דער חאלאבער קהילה.

אין תש"ה האט מען אים באשטימט א דיין פון דער ספרדישער געמיינדע אין ירושלים.

משפחה[באַאַרבעטן | רעדאקטירן מקור]

אין 1944 האט ער געהייראט מרגלית פֿאַטאַל (געב' תרפ"ז, 1927‏, אין חאלאב, סיריע - י"ט באב תשנ"ד, 27סטן יולי 1994). צווישן זייערע קינדער איז הרב יצחק יוסף, דער היינטיקער ספרדישער הויפט רב פון ישראל.

זיין פטירה[באַאַרבעטן | רעדאקטירן מקור]

דעם 21סטן סעפטעמבער 2013 (חול המועד סוכות ה'תשע"ד), צוליב א דערעגערונג אין זיין געזונט, האט מען האספיטאליזירט הרב יוסף אינעם הדסה עין כרם שפיטאל, און זיין משפחה האט אים צוגעגעגבן דעם נאמען "חיים" ווי א סגולה פאר אריכות ימים‏[2]. הרב יוסף איז נפטר געווארן אין שפיטאל דעם 7טן אקטאבער 2013, ג' חשוון ה'תשע"ד, ביי דער עלטער פון 93‏[3].

יענעם אוונט איז פארגעקומען זיין לוויה אין ירושלים צום סנהדריה בית עולם; 800,000 מענטשן האבן באטייליקט אין דער לוויה.‏[4]

זיינע ספרים[באַאַרבעטן | רעדאקטירן מקור]

  • יביע אומר
  • יחוה דעת
  • חזון עובדיה

רעפערענצן[באַאַרבעטן | רעדאקטירן מקור]



פריערדיקער:
הרב יצחק נסים
ראשון לציון
תשל"ג - תשמ"ג
קומענדיקער:
הרב מרדכי אליהו