נשר

נשר איז א שטאט אין צפון ישראל, און געהערט אן צו די חיפה דיסטריקט, נשר געפונט זיך 6 קילאמעטער דרום פון חיפה, אויפן הויפט שאסיי וואס פירט קיין יקנעם און נצרת. געגרינדעט אין יאר 1924 דורך ארבעטער פון די נשר צעמענט פאבריק, זיך איינצושפארן די פארן טעגליך פון און צי די ארבעט, ווי אויך דאס אריבערפארן עטליכע אראבישע פיינטליכע דערפער אויפן וועג.

אין די יארן צווישן די גרינדונג ביז די מלחמת השחרור, האבן די איינוווינער אסאך געליטן פון איבערפעלער פון אראבער, אין די תרפ"ט ראיאטן, און שפעטער אין די תרצ"ו - תרצ"ט אויפשטאנד איז די דארף עטליכע מאל געווארן איבערגעפאלן, און האבן אריינגערעכנט מענטשן וואס זענען אומגעקומען.

ביי די זעלבסטשטענגקייט קריג פון ישראל, האט צה"ל באוויזן איינצונעמען די אראבישע דערפער פון ארום, און זיי זענען באזעצט געווארן דורך ניי געקומענע, שפעטער זענען די דערפער געווארן א טייל פון א נייע גרויסע שטאט נשר.

לויט די צענטראלע ביורא פאר סטאטיסטיק, האט די שטאט נשר א באפעלקערונג פון 23,800 איינוווינער, ריכטיג צו 2010. דער בירגערמייסטער איז דוד אמאר. און א כמעט א דריטל פון שטאט באשטייט פון עולים פון די ראטן פארבאנד לענדער.

שטעט אין ארץ ישראל