נייטרא ישיבה

די נייטרא ישיבה איז א וועלט בארימטע ישיבה, וואס איז געגרינדעט אין דער שטאט נייטרא, סלאוואקיי, אונטער דער פירערשאפט פון הרב שמואל דוד אונגאר הי"ד, און איז נאך דעם קריג תיכף ערעפנט געווארן אויף די אינציאטיוו פון הרה"ג ר' מיכאל בער ווייסמאנדל זצוק"ל, און איז אנגעפירט געווארן דורך זיין שוואגער דער זון פון דעם נייטרא רב הרה"ג ר' יוסף משה הלוי אונגאר ז"ל.

די ישיבה אין גלות

אזוי ווי אין סלאוואקיי האט מען נישט געקענט בלייבן, צוליב די קאמוניזם וואס האט איבערגענומען די גאנצע ווירטשאפט, האט די ישיבה זיך אויפגעהויבן אין געגאנגען אין גלות מיטן ציל אנצוקומען קיין אמעריקע

די ערשטע סטאנציע איז געווען אין דער שטאט ווערסיי, פראנקרייך, דארטן האט זיך די ישיבה אויפגעהאלטן פאר א תקופה.

די ישיבה קומט אן קיין אמעריקע

סאמערוויל

די ערשטע סטאנציע פון די ישיבה אינדרויסן פון שטאט איז געוועזן אין סאמערוויל, דארטן האט זיך די ישיבה אויפגעהאלטן אויף איין יאר, אנצינד רעדט מען פון שנת תש"ז

יענעם יאר שבועות זענען אלע גדולים וואס זענען דעמאלטס שוין געווען אין אמעריקע זיך צוזאמען געקומען אין דעם נייטרא יישוב/ישיבה, א שטייגער ווי בעל ויואל משה מ'סאטמאר, און הגה"ק ר' מענדעלע סטראפקובער, ר' יונתן שטייף אבד"ק קהל עדת יראים וויען, און נאך פולע רבנים ואדמורים

רבינו הק' מ'סאטמאר איז דארטן למעשה פארבליבן דעם גאנצן זומער, און ער איז ערשט צוריק געפארן אויף די ימים נוראים אין שטאט אריין.

עס ווערן אויפגעשטעלט צוויי באזונדערע ישיבות

אזוי ווי די ישיבה איז געפירט געווארן דורך צוויי משפחות, איז שפעטער אויסגעקומען אז עס איז צוטיילט געווארן אין צוויי, איינס ווערט ווייטער אנגעפירט דורכן היינטיגן נייטרא רב, און איינס ווערט אנגעפירט דורך משפחת ווייסמאנדל און שפיץ פון דעם ראש ישיבה הרה"ג ר' מיכאל דוב ווייסמאנדל שליט"א בן הגה"צ ר' ??? ווייסמאנדל זצ"ל, וואס די ישיבה גדולה פון דעם ווייסמאנדל אפטיילונג געפונט זיך אין טשעסטער-ניו יארק א שטעטל נאנט צום באקאנט סאטמאר'ן שטעטל/שטאט קרית יואל.