מוכאמאד כוסיין טאנטאווי

פֿון װיקיפּעדיע
שפּרינג צו: נאַוויגאַציע, זוכן
מוכאמאד כוסיין טאנטאווי אין דעם מונדיר פון א פעלדמארשאל אין דער עגיפטישער ארמיי

מוכאַמאַד כוסיין טאַנטאַווי (אראביש: محمد حسين طنطاوى; געב' דעם 31סטן אקטאבער 1935) איז א פעלדמארשאל אין דער עגיפטישער ארמיי, פארטיידיקונגס מיניסטער פון עגיפטן און פארזיצער פון דעם העכסטן ראט פון דער עגיפטישער ארמיי, וואס הערשט אין עגיפטן זייט כאסני מובאראק האט זיך אפגעזאגט אלס פרעזידענט.

טאנטאווי איז געווארן אן אפיציר אין דער עגיפטישער ארמיי דעם 1טן אפריל 1956 און האט געדינט אין דער אינפאנטריע. ער האט געקעמפט מיט די עגיפטישע באוואפנטע קראפטן אין דער סיני מלחמה, זעקסטאגיקער מלחמה און דער יום כיפור מלחמה. אין 1975 איז ער באשטימט געווארן מיליטערישער אטאשע פון עגיפטן אין פאקיסטאן, דערנאך איז ער געווארן מיליטערישער אטאשע אין אפגהאניסטאן.

טאנטאווי איז ער נאמינירט געווארן פארטיידיקונגס מיניסטער און קאמאנדיר פון די עגיפטישע קראפטן אין 1991, נאכדעם וואס גענעראל יוסף סאברי אבו טאלב איז אפגעזאגט געווארן. ער איז געווארן דער ערשטער אפיציר אין אין עגיפטן מיטן ראנג פון פעלדמארשאל) זייט 1989.

ביי דער עגיפטישער רעוואלוציע אין 2011, ווען מובאראק האט אפגעזאגט די רעגירונג האט ער געגעבן טאנטאווי דעם טיטל וויצע פרעמיער מיניסטער אין דער נייער רעגירונג. אום 11טן פעברואר 2011 איז טאנטאווי געווארן דער פאקטישער הערשער אין זיין אמט אלס פארזיצער פונעם העכסטן ראט פון די עגיפטישע באוואפנטע קראפטן וואס האט איבערגענומען פירן דאס לאנד.


וועבלינקען[באַאַרבעטן | רעדאקטירן מקור]

רעפערענצן[באַאַרבעטן | רעדאקטירן מקור]