לאנדאן היטרוי ערפארט

פֿון װיקיפּעדיע
שפּרינג צו: נאַוויגאַציע, זוכן
טערמינאל 5 אין היטרוי פליפעלד

לאנדאן היטרוי ערפארט (LHR), פלאצירט אין דער לאנדאנער בארא פון הילינגדן, איז דאס גרעסטע לופטפעלד אין דעם פאראייניגטן קעניגרייך. אין מאס פון פאסאזשירן פֿארקער איז עס דאס פינפטע גרעסטע אין דער וועלט, און עס באהאנדלט מער אינטערנאציאנאלע פאסאזשירן ווי סיי וועלכן פליפעלד אין דער וועלט. דאס לופטפעלד געהערט צו BAA, וואס פארוואלטעט נאך דריי פליפעלדער אינעם פאראייניגטן קעניגרייך.

דאס לופטפעלד איז 22 ק"מ פון צענטראל לאנדאן.

ס'זענעם דא פינף טערמינאלן. די צוויי נייעסטע זענען טערמינאל 5, וואס די מלכה עליזאבעט די צווייטע האט געעפנט אפיציעל דעם 14טן מערץ 2008, און טערמינאל 2, וואס האט געעפנט דעם 4טן יוני 2014.

היטרוי איז איינע פון זעקס פליפעלדער וואס באדינען לאנדאן.

סטארטפאסן[באַאַרבעטן | רעדאקטירן מקור]

היינט ווערן געניצט צוויי פאראלעלע סטארטפאסן, וואס ליגן מזרח-מערב: דער צפונדיקער (09L/27R) און דער דרומדיקער (09R/27L). איינער ווערט געניצט פאר אויפפליען און דער צווייטער פאר לאַנדן.