שמואל ניגער
 | |
| געבורט |
15 יוני 1883 בעלארוס  |
|---|---|
| טויט |
24 דעצעמבער 1955 (אלט 72) ניו יארק, פאראייניקטע שטאטן פון אמעריקע |
| מדינה |
רוסלענדישע אימפעריע, רוסישע סאוועטן פעדעראטיווע סאציאליסטישע רעפובליק, פאראייניקטע שטאטן פון אמעריקע |
| פאך |
ליטעראַטור-קריטיק, שרייבער |
  | |
שמואל ניגער (פאַמיליע־נאָמען "טשאַרני"); געבוירן 1883 אין רוסלאַנד (מינסקער געגנט); שריפטשטעלער, ליטעראטור־קריטיקער, פּובליציסט; געלעבט אַ לענגערע צייט אין װילנע; זינט 1919 אין ניו־יאָרק; מיטאַרבעטער אין "טאָג"; רעדאַקטאָר פון אַ ריי זשורנאַלן ("די יידישע וועלט", "די נייע וועלט" אין ווילנע און אַנדערע צייט־שריפטן); געשריבן הונדערטער גרעסערע און קלענערע אָפּהאַנדלונגען איבער דעם גרעסטן טייל ידישע שריפטשעלער; פּרטים אין רייזנ'ס "ליקסיקאָן". ניגער איז געשטאָרבן 1955.
ווערק[רעדאַקטירן | רעדאַקטירן קוואַלטעקסט]
די צוויישפראכיקייט פון אונדזער ליטעראטור איז א יודיש בוך געשריבן דורך ניגער און ארויסגעגעבן פון לואיס לאמעד פאנד פאר אונדזער ליטראטור אין ביידע שפראכן אין דעטרויט, מישיגען אין יאר 1941.
דער בוך ברענגט ארויס אז דאס יודישע פאלק האט א לאנגע היסטאריע פון ביילינגוואליזם פון העברעאיש זייט בי זייט מיט נאך א שפראך. ער שטעלט זיך ארויס קעגן די עקסטרעמע באוועגונגען פון יידישיסטן און העברעיאיסטן, בא די שפראכן קריג, וועלכע ביידע פרעדיגן אויף מאניזם אין זייער שפראך.
ער באשרייבט אויך די היסטאריע פון צוויישפראכיקייט ביי אנדערע פעלקער, ווי: איטאליענער, גריכן, כינעזער און ארמענער.
דאן גייט ער דורך די היסטאריע פון יודישע ליטעראטור, אנגעהויבן פון אראמיש אין די משנה און גמרא ביז די געהעריגע אויפלעבונג פון יודיש.
דאס בוך אנטהאלט פערצן קאפיטלען אין הונדערט-זעקס-און-פערציג זייטן, געדרוקט אין ניו יארק אין צוויי טויזנט עקזעמפלארן.
קוואלן[רעדאַקטירן | רעדאַקטירן קוואַלטעקסט]
- דער דאָזיקער אַרטיקל נעמט אַרײַן דעם טעקסט װאָס געפֿינט זיך אונטערן זוכװאָרט „ניגער, שמואל” אין דער ייִדישער פֿאָלקס־ענציקלאָפּעדיע (באַנד 2) (1949), וואָס איז הײַנט אינעם רשות־הרבים.