גראד

פֿון װיקיפּעדיע

גראַד אדער שטאַפּל (ענגליש:degree) איז וואס מען ניצט צו מעסטן היץ אין פיזיק, און ווינקלען אין געאמעטריע. די טייטש פון שטאפל איז א מדריגה העכער אזוי ווי שטיגן. מען ניצט דעם סימבאל °, למשל זעכציג גראד שרייבט מען 60°.

[באַאַרבעטן] צו מעסטן היץ

היץ ווערט געמאסטן מיט נומערן, געווענדעט אין וואספארא סיסטעם ניצט מען אנדערע נומערן, וואס העכער דער נומער וואס הייסער עס איז. מען באצייכנט א יעדער נומער אלץ א שטאפל אין היץ. די סבה פאר ניצן שטאפלן איז ווייל צו מעסטן היץ ניצט מען געווענליך א קעמיקאל וואס איז קאלירט און איז אריינגעלייגט אין א שמאל גלאז, וואס ווי הייסער עס איז אלץ מער שפרייט זיך די קעמיקאל און רוקט זיך ארויף צו אין דעם גלאז, דאס גלאז האט אויף זיך צייכענעס, וואס קוקט אויס ווי שטאפלן.

[באַאַרבעטן] ווינקל גראד

ווען מען וויל מעסטן א ווינקעל (ענגליש:angle) ניצט מען אויך שטאפלן. ווי מער שטאפלן מיינט אז דער ווינקל איז ברייטער. א רינג צעטיילט מען אין 360°, אזוי אז א גלייכע ליניע איז 180 שטאפלן ווייל עס איז האלב פון די רינג, און א פינקטליכער (גראדער) ווינקעל (ענגליש:right angle) איז 90 שטאפלן ווייל עס איז א פערטל פון א רינג.

די סבה פארוואס א רינג איז צעטיילט אויף 360 שרייבט דער רמב"ם אין הלכות קידוש החדש ווייל עס קען צעטיילט ווערן אין יעדן נומער פון 1 ביז 10 חוץ פון 7. אז ס'זאל קענען צעטיילט ווערן אויך אין 7 וואלט מען געדארפט ניצן 2520 וואס איז נישט צו פראקטיש. נאך א סבה איז ווייל ס'איז דא בערך 360 טעג אין יאר. אין ספר הקנה ווערט געברענגט אז א יאר איז טאקע 360 טעג, אפשר אזוי איז געווען ביז צום מבול.

געווענליך איז 360 גענוג פאר אלע מעסטונגען, אויב אבער דארף מען האבן קלענער קען מען צעטיילן יעדע שטאפל אויף 60 מינוטן און יעדער מינוט אויף 60 סעקונדעס.